Ani pse nuk arriti të shpallet kampion për vitin e dytë me radhë me Bayer Leverkusenin, futbollisti shqiptar, Granit Xhaka ishte shtylla e mesfushës së këtij klubi.

Paraqitjet e tij të mira lanë gjurmë edhe këtë sezon në ndeshjet e Leverkusenit në Bundesligë, shkruan Arbresh.info.

Për të dytin vit me radhë, Granit Xhaka arriti të sigurojë një pozitë në 11-shen më të mirë të stinorit sipas SofaScores, në kampionatin gjerman.

Sipas ekspertëve të statistikave, Xhaka u notua me notën 7.41 dhe është krah për krah me Kimmichin në formacionin e sezonit.

Krahas paraqitjeve të mira, Xhaka realizoi edhe dy gola dhe dhuroi shtatë asistime në 33 ndeshje në Bundesligë.

Përveç tij nga Leverkuseni në formacion është edhe Florian Wirtz i cili pati paraqitje mbresëlënëse dhe mund ta ketë sezonin e fundit me këtë klub.

Disa emra tjerë që janë përfshirë në ekipin ideal janë edhe Kane, Olise, Musiala, Simons.

FORMACIONI MË I MIRË I SEZONIT NË BUNDESLIGË SIPAS SOFASCORE:

 

View this post on Instagram

 

A post shared by Sofascore (@sofascore_football)